اهلا وسهلا بيكم في برنامج Level up.
النهارده هنتكلم عن مجال مهم جدا في العمل المرئي يعتبر العامل الاساسي لشعورك بكل ما يحتويه العمل من مشاعر حزن، او فرح، او قلق، و رعب وغيرها وهي الموسيقي التصويريه وعشان نفهم اكتر استعنا بأحد اهم وانجح شاب صاعد وواعد في هذا المجال.
باشمهندس/يوسف محمد.
من هو يوسف محمد؟
ولد يوسف محمد في محافظة القاهرة وهو مؤلف و موزع موسيقي و مهندس صوت.
درس علوم الصوت و الهندسة الصوتية في أكاديمية Alison و حاليًا يدرس في كلية تربية موسيقية.
متي بدأت في هذا المجال، وهل هي موهبه او دراسه؟
بدأت من 2014 من حوالي 10 سنين
هي كانت موهبة و لكن طبعًا درستها.
هل المجال ده ليه كورسات؟ وهل هو منتشر في مصر؟
للأسف الكورسات قليلة جدًا و مش بتكون أفضل شيء فـ الموضوع بيكون أصعب لأي حد عايز يبدأ.
من كام سنة مكانش منتشر بالشكل ده ولكن حاليًا الموضوع بقى أكبر
شباب كتير حابة أنها تتعلم ازاي تعمل مزيكا
و الأكتر طبعًا هو الفئة اللي بتعمل ده بدون دراسة أو حتى موهبة.
أزاي طورت من نفسك،وليه اخترت المجال دا؟
اشتغلت علي نفسي وجربت حاجات كتير وبالتجارب الكتير والمحاولات قدرت اطور نفسي بفضل ربنا.
ليه اخترت المجال دا لأن دايمًا مقتنع بجملة
"Music Can Say What Word's Can't"
فبالنسبالي الموسيقى كانت طريقة أقدر أتكلم بيها.
أيه هي اهم اعمالك؟
بالنسبالي كل عمل ليه أهمية عندي و ركن خاص بيه
