.gif)
فجأةً، وعلى غير المتوقع، أصبح الدكتور محمد أحمد المراكبي (29 سنة) ضمن أبرز الصاعدين على قمة تخصص زراعة الأسنان في مصر .
شاب لم تتجاوز خبرته عقداً من النجاح السريع هذا لم يأتِ صدفة، بل نتيجة شغف متفجّر، وساعات لا تحصى من التدريب العملي ؟
ورؤية ثاقبة لتحويل ابتسامة كل مريض إلى قصة انتصار
بعد ما بدأ يحفر اسمه وسط الكبار في واحد من أدق تخصصات طب الأسنان المتقدمة :
في علم زراعة الأسنان.
وهو لسه عنده ٢٩ سنة بس ، قدر يجمع بين الدراسة الأكاديمية العميقة والتدريب العملي المكثف، حتى أصبح موهبته مرتبطه بالاحترافية، والدقة، والابتكار.
معانا النهارده الدكتور محمد المراكبي ، في حوار خاص جدًا، هيكلمنا ببساطة عن عالم زراعة الأسنان، وهيفاجئنا بمعلومات أول مرة نسمعها.
السؤال/
س: دكتور محمد، الحقيقة أول سؤال بيجي في بالي: إزاي قدرت في السن الصغير ده تتفوق على أطباء أكبر منك بكتير خبرة وسنًا؟
ج:
بصراحة، أنا مؤمن إن التفوق مش بس بالسن أو بعدد السنين اللي بنقضيها في الشغل، لكنه مرتبط أكتر بالشغف، وقدرت تحقق ايه.. وحب التعلم، والالتزام بالتطور المستمر.
فالاخر انا مش بتفوق على حد.. انا بتفوق على نفسي
أنا شايف محققتش حاجه لسه من اللي عايز احققه و إن مهما حققت، لسه الطريق طويل قدامي، ولسه بتعلم كل يوم من كل حالة ومن كل زميل
أكبر مني .
يمكن اللي ساعدني أوصل بسرعة هو إني مبحبش أقف عند مرحلة معينة، دايمًا بحاول أطور من نفسي، أتعلم تقنيات جديدة، وأواكب كل تحديث بيحصل في المجال. بس في نفس الوقت، أنا شايف إن لسه قدامي كتير جدا عشان أوصل للمستوى اللي أنا بحلم بيه.
السؤال/
س: طب دكتور.. من وجهة نظرك: هل زراعة الأسنان رفاهية؟ ولا بقت ضرورة زي أي علاج طبي تاني؟
ج :
لا طبعا مش رفاهية .. احنا بنرجع القدرة على الأكل الطبيعي، بنحافظ على شكل الوش وصحته.
مريض بيقدر يضحك، ياكل، ويتكلم بحرية بعد ما كان فاقد جزء كبير من حياته النفسية والاجتماعية.
دي أولويات مش رفاهيه ابدا ..
السؤال/
س: إيه أكتر المفاهيم الغلط اللي بتواجهك كل يوم؟
ج:
• الناس فاكرة إن الزراعة لازم تكون مؤلمة جدًا لما بنبدا ندخل الزرعه داخل عضم الفك.. وده مش صح.
• أو إن مريض السكر مينفعش يزرع.. وبرضه ده مش مظبوط مع التقدم الطبي دلوقتي.
• وأكتر خطأ، إنهم يفتكروا إن تأجيل علاجهم مش فارق.. والحقيقة إن كل يوم تأجيل بيساوي خسارة في العضم.
(يبتسم:)
اللي بيأجل بيحاسب نفسه مرتين قدام.
السؤال د. محمد المراكبي
س: أول مرة قررت تخوض عملية زراعة معقدة—إيه كانت الحالة؟ ووصفنا بالتفصيل الخطوات اللي عملتها عشان تنجح العملية.
ج : صراحة اول ما ابتديت كانت الحالات السهله البسيطه و مش الصعبه
ثم تدرجت في صعوبه الحالات
واحاول اشتغل حالات متقدمه كتير
“كان عندي مريض فقد كل عظام الفك العلوي بعد التهاب حاد، اضطرينا نزرع عظم اصطناعي لمدة 6 شهور، وبعدها زراعة 6 غرسات. أقصى تحدي كان تثبيت الغرسة في طبقة العظم الضعيفة، فاستخدمت تقنية الـ “Osseodensification” ونتيجة الثبات الأولي كانت كويسه جدا
2. إيه أكثر تقنية حديثة دخلت فيها وتطورات في مجال الزراعه في مصر وحسيت إن لها فارق كبير؟
ج: كل يوم بنشوف تطورات جديده.. من اكتر التطورات الي انبسطت بيها الزرعات المصري بقت ممتازه ونسبة نجاحها عاليه جدا وبتنافس بقوه بالفعل الزرعات الأخرى فالسوق سواء الكوري او الإيطالي
اكتر تقنية بالنسبالي؟ ال
3d printing & Digital scanning
من اكتر الحاجات المريحه للدكتور والمريض، المقاسات بتكون دقيقه جدا و التركيبات بتطلع مظبوطه في التركيب اللي تعتبر اهم خطوه بالنسبه لي في عملية الزراعه
إزاي قدرت توازن بين عمر 29 وطموح تبني بيزنس طبي ناجح؟
قد أكون مش احسن شخص في تنظيم وقتي بصراحه ، لكن أدين بالفضل بعد ربنا سبحانه وتعالى إلي اسرتي اللي مستحملين ضغط يومي اللي بتخليني بعيد عنهم في اوقات كتير
بخطط يومي وأقسّم وقت بين العيادة، والتدريب، وفريق Dental Spiders .
لكن تنظيم الوقت بيخلي عندي وقت لراحتنا الأسرية والترفيه. اتمنى في يوم اقدر اعمله ( يضحك)
3. لو رجع بك الزمن لسن 22، إيه النصيحة اللي هتوجهها لنفسك؟
• “ الوقت الحالي صعب تقارنه بوقتي وانا لما كنت ٢٢.. كل حقبه ب جيلها وليها ظروفها المختلفه و َتحدياتها..
عكس السنين الماضيه خصوصا بعد زياده اعداد دكاتره الأسنان و السوق بقي صعب..
بس خليني اقول كنت هحاول مفقدش الشغف و اخرج ب أفكار جديده برا الصندوق عشان انجح
الحاجه الوحيده المشتركه في اي عصر انه مفيش فرصه هتجيلك لحد عندك.. انت اللي بتخلق الفرصه بنفسك لنفسك ..
⸻
س: طيب.. إزاي بتوازن بين الشكل الجمالي والأداء الوظيفي لما بتزرع؟
ج :
• مافيش حاجة اسمها شكل بس، أو وظيفة بس.
• إحنا في عصر لازم نوفر للمريض الاتنين مع بعض.
• عايزين ابتسامة طبيعية، وفي نفس الوقت قوة تمضغ اللحمة ولا تتكسف منها!
⸻
السؤال:
س: دكتور محمد، هل الزراعة فعلًا بتحافظ على شباب الوجه؟
د. محمد أحمد المراكبي:
• جدًا جدًا.
• لما بتفقد سن، العضم بيبدأ يضمحل، وشكل الوش بيتغير.
• الزراعة بتحافظ على الشكل الممتلئ الطبيعي، وبتدي دعم للشفايف والخدود، يعني مش مجرد سن، ده شغل تجميلي كمان.
السؤال:
س: لو حد فقد سنه وسابه.. ممكن يحصل له إيه؟
د. محمد أحمد المراكبي:
• يبدأ العضم ينكمش، الأسنان اللي جنبه تميل، طريقة أكله تتغير، مشاكل في المعدة تبدأ..
• وبصراحة: ابتسامته كمان بتضيع.
(يبتسم د. محمد:)
السؤال:
س: طب ولو مدخن.. يعمل إيه؟
ج :
• بنزرع له، بس بحذر شديد.
• لازم يعرف إن التدخين بيأثر على التئام العضم.
• وعشان كده، في حالات كتير بنطلب منه يقلل أو يوقف قبل وبعد الزراعة بفترة.
السؤال:
س: نصيحتك الذهبية لأي حد بيفكر يتعلم زراعة أسنان؟
وفي الختام نذكر أن :
“الطريق عمره ما بيكون سهل، بس الشغف والإصرار بيخلّوه أقصر. لو عندك حلم، ابدأ فيه دلوقتي، وخليك دايمًا مستعد تستثمر وقتك وطاقتك بلا رحمة.
طريق النجاح موحش فعلا.. و قد تحتاج كل شويه تقدم فيه تنازلات كتير عشان تكمل طريقك
اقرأ، طبق، وكرر. متكتفيش بالكورسات النظرية، لازم عينك تشوف إيدك تتعلم. وحافظ على Mentor يكون سبقك بخبرة طويلة.”