كشف صانع الأبتسامة، دكتور اسلام سعد، ، اخصائي طب الفم والأسنان وتجميل الأسنان، سبب وجود رعب عند الجميع من دكتور الأسنان ورؤيته كالجزار، قائلًا أن "احنا طبعا موضوع فوبيا الاسنان ده عند معظم الناس او حوالي مثلا 95% من الناس، واحنا مش بنبالغ في الرقم اللي احنا بنقوله، فوبيا الاسنان ده نتيجة ان المريض شايف حقنه بينج هنديهاله داخل الفم، طبعا بيبقي خايف منها جدا، وبيبقي شايف أدوات كتير وأصوات كتير داخل العيادة، فالأصوات دي بتسببله خوف وفوبيا من دكاتره الأسنان" .
واضاف قائلا أن "زمان بردو كان علاج الاسنان كان صعب والإمكانيات مكنتش متوفره فيه كويس، فكان علاج الأسنان ساعات بيكون متعب، والأجهزة مكانتش التقنيات والتكنولوجيا عالية جدًا، فكان ساعات المريض بياخد أيام لحد ما يعالج اسنانه، وياخد وقت كتير ويتعب اكتر، إنما احنا في الوقت الحالي احنا طب الاسنان تقدم جدا وتطور جدا بشكل كبير، فبقي عندنا أجهزة وأدوات بنستخدمها بتريحنا جدا وبتريح المريض في طريقه الشغل، وطريقه علاج الاسنان، فمبقاش يحس طبعا، وأما بالنسبه لحقنه البينج بقى فيه حقنه إلكترونية من غير ما يكون ليها سن فده طبعا بيقلل كتير جدا من فوبيا المريض من حقنه البينج، وبيخليه انه يكون داخل مستريح جدا عند دكتور الاسنان" .
أما عن حشو العصب والذي اثار ضجة الفترة الأخيرة نتيجة الإقبال عليه، قال صانع الأبتسامة ان "زمان احنا كنا بنعمله علي كذا مرحلة ثلاث او اربع جلسات، دلوقتي حشو العصب بقينا بنعمله علي جلسه واحده بأستخدام جهاز الريتالي، والتقنيات الحديثه ده بيخلينا نتأكد ان احنا شيلنا كل الخلايا العصبيه من داخل القناه العصبيه 100% من غير ما نكون سايبين اي بواقي عصبيه جوه، وده ان احنا بنقدر بعده نحشو عصب في جلسه واحده بدون ألم ومن غير اي مشاكل" .
واشار الى ان "فوبيا المريض من دكتور الاسنان انصحه بأنه يتغلب عليها ويروح لطبيب الاسنان خاصة بعد التقدم التكنولوجي لان انا دايما بنصح المرضي الاسنان حصلك فيها مشكله هي مش هتسيبك هي مش هتخف او هتتعالج بمجرد ان احنا ناخد علاج او ناخد مضاد حيوي او ناخد مسكن وخلاص لا الاسنان بتفضل مستمره لما بيحصل فيها المشكله وبتكبر".
لافتا الى ان "كل ما نلحق علاج الاسنان في مراحله الأولى ده بيوفر علينا وبيوفر علي المريض التعب والمجهود والتكلف وكل حاجه فلازم نتغلب علي الفوبيا بتاعه وييجي وطبعا مع استخدم الاجهزه الجديده اللي بقت متوفره عندنا في المركز بقي العلاج سهل جدا من غير اي مشاكل من غير اي الم بنعرف جدا الحمد لله نستقبل المريض بشكل كويس جدا بنحاول ان احنا نخليه يحس ان هو في بيته مش يحس انه في عياده اسنان زي زمان ويبقي خايف من دكتور الاسنان" .
إرسال تعليق