مساء الخير عليكم جميعا في اولي حلقات برنامج ليڤل اب النهارده هنقدملكم نوع جديد من الفن، فن مظلوم ولكنه احد اهم اسباب نجاح اي عمل مرئي
وهو أختيار ألوان اي عمل مرئي سواء سينما او تليفزيون او حتي سوشيال ميديا، وأختيار الألوان جزء مهم جدا للتجربة البصريه لأي عمل مرئي فهي مسؤولة عن المزاج، الشعور، والمشاعر، والحالة العامة للعمل وتحدد علي حسب نوع العمل المرئي وبتلعب دور لا يقل عن الموسيقي التصويريه لاعطاءك مزيد من الواقع وادخالك في المود المطلوب لكل شوت وعشان نفهم اكتر استعنا بأحد اهم وانجح شاب صاعد وواعد في هذا المجال.
باشمهندس/مايكل ماجد.
من هو مايكل ماجد ؟
مايكل ماجد، من محافظة القاهرة، و من مواليد 2001، طالب فى السنة الرابعة فى كلية الفنون التطبيقية قسم طباعة و نشر و تغليف.
كيف بدأت شغلك وهل هو موهبة أو دراسة؟
بالنسبة لشغلى فهو يعتبر فيه جزء موهبة و جزء دراسة و جزء تغذية بصرية يعنى الواحد يبقى قادر يحلل الألوان بعينه و الواحد يبقى قادر يحس بجماليات الألوان مع بعضها
فبدأت الشغل عن طريق التجربة طبعا مع نفسى الاول إن أنا افضل اجرب اجيب شوتات و ألونها مع نفسى و انزلها على السوشيال ميديا و اخد رأى الناس و كدة لغية لما واحدة واحدة لونت أول كليب فبأت ان انا بجرب الشغل على أرض الواقع و على شغل حقيقى.
كيف تتطورت من نفسك في هذا المجال؟
اشتغلت علي نفسي طبعا، وكان اهم حاجة ان انا ذاكرت مع نفسى على اليوتيوب و طبعا تغذية بصرية من أفلام و إعلانات متلونة و متصورة حلو و من ضمن الحاجات اللى ساعدتنى اطور نفسى ان جاتلى فرصة انى اخد internship فى شركة Lzrd و طبعا دى من الشركات التقيلة فى المجال فطبعا كانت فرصة انى اتعلم من جوة المطبخ زى ما بيتقال.
هل المجال دا منتشر في مصر وليه كورسات؟
نعم منتشر في مصر لانه مهم جدا لأي عمل مرئي وليه كورسات في اماكن كتيرة.
ممكن نتكلم عن المجال دا بالتفصيل؟
طببيعة المجال ببساطة هو ان انا ببروز الشغل بشكل كويس يعنى بكل بساطة فى وقت التحضير بتاع العمل سواء فيلم او كليب او غيره فبيبقى فى شكل المخرج و مدير التصوير بيبقوا متفقين عليه و ان دة هيبقى الشكل النهائى مثلا و على هذا الأساس مدير التصوير بينور المشهد بشكل و إضاءة معينة و توزيعة إضاءة معينة
و بعد كل دة انا ببدأ اتعامل على الصورة الـRaw او الـFlat اللى طالعة من الكاميرا عشان احسنها و احقق رؤية المخرج و مدير التصوير بما يتناسب مع الإضاءة طبعا.
ملحوظة جانبية: الكاميرا بتطلع صورة فيها ألوان بس بيتقال ان الصورة Raw او Flat و دول معناهم الصورة البهتانة اللى مافهاش تفاصيل و طالعة من الكاميرا فببدا أنا ألونها شتتغل عليها، عشان فى ناس بيسألوا مثلا و بيقولوا ان الكاميرا كدة كدة بتطلع ألوان فأنا بعمل إيه؟ الإجابة ان الألوان اللى طالعة من الكاميرا مش بتبقى هى الألوان اللى المشاهد فى الأخر بيشوفها.
اهم أعمالك! وأعمالك القادمة؟
بالنسبة لأهم اعمالى هو البرومو بتاع مسلسل "البحث عن علا" ، رغم انه برومو و حاجة صغيرة بس كنت مبسوط جدا إنى عملت حاجة لنتفليكس و هند صبرى و فخور جدا ببيه.
مسلسل البحث عن علا.
الفترة دى شغال بإذن الله على مسلسل "فوبيا" للمخرج أستاذ رؤوف عبد العزيز و أستاذة سوسن بدر و رانيا يوسف و نيرمي الفقى و هيتعرض بعد رمضان إن شاء الله.
وبكده كانت نهاية اولي حلقات برنامج Level up وبنتمني نكون افادناكم وشكرا لضيفنا الكريم.
تقديم: ميادة.رجب .
إرسال تعليق